كيفية الحفاظ على استهلاك البنزين

هقولك كام حاجه عن تجربه شخصيه هتوفر بنزين وفلوس كمان 😂😂

طبيعى كلنا بنمشى بعربياتنا دوس بنزين دوس فرامل وهكذا
إنت مش سواق ميكروباص.. متعملش زيه هدى اعضائك " 😂
بلاش تفضل تدوس على دواسة البنزين والفرامل خمناشر مرة في الدقيقة😂
استخدم دواسة البنزين بنعومة وبراحه مش طول منت ماشى عمال تحرق😂
خلى العربيه تاخد سرعتها براحه وعلى الهادى ؛
لكن إنك تدوس بنزين جامد وترجع تفرمل خاصه ف الزحمه ،
1- ده بيخليك تستهلك وقود أكتر وتنهى تيل الفرامل أسرع حاول
تسيب مسافة بينك والعربية اللي قدامك مش لازق فيه وبتحرق وراء منه
دى فن مش عن عن 😂

2- ركز مـع الكوتش: اكشف على ضغط الهواء باستمرار عند محلات الكوتش
وتأكد إنه مظبوط.قبل كل سفريه ويكون الصبح مش تكشف كل شهر مرة😂
متركبش كوتش أكبر من الموصى به في العربية ده بيأثر على استهلاك البنزين
لأنه بيزود مقاومة دوران العجلة الأفضل إنك تلتزم بالاطار الموصى به

٣ - التزم الصيانة بشكل دوري: الصيانة عامل مهم قوي في توفير البنزين.
التزم بمواعيد صيانة العربية، وتغيير زيت الموتور وفلتر البزيـن.
كل ده بيأثر جامد فى استهلاك الوقود

٤- مش أي بنزينة والسلام:
اتأكد إن البنزينة اللي بتمون منها مبتخلطش البنزين بمية
احنا فى زمن الغش يصحبى للأسـف في نـاس عربياتها باظت أساساً
بسبب الغـش اللي بيحصـل بقاله فترة ..
فـ حاول على قد متقدر إنك تلتزم ببنزينة معينة عشان تتفادى أخطار
الغش في درجة ونوعية البنوين.

٥- طبعاً طريقك لشغلك معروف ومتعود عليه كل يوم.
إنما لو رايح طريق جديد عليك اخلص من زحمة على قد ما تقدر
لو أقصر الطرق زحمة وفيه إشارات المرور كتير، وزحمة كتير
ممكن تنقـي طريق تاني أطول بـس رايق لو متعرفش شغل الـ GPS
بُـص قـاعدة عـامة لاختيار الطريق ( ده لو فى عندك اختيارات )
لازم تعرف إن كفاءة الموتور بتبقـى أفضل بين سرعة 60 إلــى 100 كم/س.

٦- إوعـى تبطل العربية في الزحمة: طبعاً مش بقولك على أي زحمـة ..
إنا بقصد الزحمة القاتلــة .. اللي هي بيبقى سببها حادثة لا قدر الله
أو عُطـل في الطريق أحياناً بتبقــى مش قادر تبطل العربية عشـان لو خمسة سنتيمتر فضيوا قدامك تلحق ترمي فيهم بوز العربية.. لو بتفكر بالمنطق ده..
يبقى مكانك مش هنا (نصيحه متكملش قرايه ) 😂😂

٧- عربيتك ملاكي ولا ربع نقل ؟
ناس كتير وأنا واحد منهم كنت عامل عربيتى مخزن؛ كل حاجة أشيلها فيها.
ده مش صح نهائى . شيل أي حاجة ملهاش لازمة من شنطة العربية
الحمل بيزود أستهلاك البنزين

٨- النقطه القاتله بقا بتفتح الشبابيك وإنت بتجــري صح 😂😂
بُص الهوا للي داخل من شبابيك العربية بيقلل ده بيقلل سرعتك ،
وكده تستهلك بنزين أكتر ودي نفس فكرة النقطة رقم خمسة بتاعت السرعـة.
وارب إزاز الشبابيك عشان تقلل الهوا جوه العربية.. ده لو بتجري يعنــي
ومش محتاجهـا مفتوحة ع البحرى

٩- عربيات كتير بقــى فيها مثبت سرعة ..
لو عندك استخدمه، لأنه بيضمن ثبات سرعة العربية، وده مفيد خاصة
على الطرق السريعة😂